«Instagram» videoblogga aylanadi
Kecha, 20-iyundan «Instagram» tarmog‘i bir soatgacha uzunlikdagi videolarni joylash funksiyasi (IGTV)ni joriy etdi. Bu haqda «TechCrunch» ma’lumotlari asosida «Life.ru» xabar bergan.
Yangilanishlardan so‘ng fotografiyaga asoslangan bu ijtimoiy tarmoq to‘laqonli videoblogga aylanadi.
Videoni smartfon kamerasini vertikal tutgan holatda olish mumkin, ilova esa rolikni katta ekran tartibida ko‘rsatadi, shuningdek, 4K formatini ham qo‘llaydi.
Ijtimoiy tarmoq to‘laqonli videoblog sifatida faoliyatini davom ettirishni rejalashtirgan. Taniqli yutuberlar o‘z roliklarini namoyish etishlari uchun «Instagram»ga taklif etilgan. Uzun videolardan kompaniya marketing vositasida foydalanamoqchi, namoyish avvalida reklamalar qo‘yiladi.
«Instagram»da 60 daqiqalik videolar paydo bo‘lishi haqida avval ham xabar berilgan, ammo kompaniya rahbariyati bunga aniqlik kiritmagandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter