AQSh qahriga uchragan neft giganti Venesueladan xodimlarini chaqirib oldi
Fransiyaning «Total» neft-gaz kompaniyasi Venesueladan barcha xodimlarini olib chiqdi, kompaniyaning AQSh dagi hisobraqamlari esa sanksiyaga tushib, yopib qo‘yildi. Bu haqda «Total» rahbari Patrik Puyanga asoslanib «Reuters» agentligi xabar berdi.
«Biz uchun eng muhimi — xodimlarimizning xavfsizligi. Shuning uchun ham dushanbadan boshlab ularning barchasini Venesueladan olib chiqdik», — dedi Patrik Puyan.
Venesuelada fransuz kompaniyasining kamida 50 nafar mutaxassisi geologiya-qidiruv ishlari bilan shug‘ullanib kelayotgandi. Endi kompaniya Venesueladagi ishlarini AQSh dan emas, Yevropadan turib boshqaradi.
«Total» kompaniyasi AQSh sanksiyalari sababli ilgari Eronni tark etishga majbur bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter