G‘azo sektori «yana bir baloga yo‘liqdi»
Mavjud energiya resurslari yo‘qligi sababli G‘azo sektoridagi barcha telekommunikatsiyalar ishlamay qoldi.
Bu haqda Falastinning Paltel telekommunikatsiya kompaniyasi X ijtimoiy tarmog‘ida ma’lum qildi.
«Tarmoqni qo‘llab-quvvatlovchi barcha energiya manbalari tugashi munosabati bilan G‘azo sektoridagi barcha telekommunikatsiya xizmatlari o‘z faoliyatini to‘xtatganini hamda yoqilg‘i importi taqiqlanganini afsus bilan ma’lum qilamiz», — deyiladi bayonotda.
Falastinliklar va Isroil o‘rtasidagi bir necha o‘n yillardan beri davom etgan mojaroning bu safargi keskinlashuvi allaqachon barcha davrlarning eng qonlisiga aylandi.
Isroilning G‘azo sektoriga uyushtirgan zarbalari oqibatida halok bo‘lganlar soni 11,5 ming kishidan oshdi, 29 mingdan ortiq kishi jarohat oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter