Tailandda 9 yildan beri ilk marta o‘lim jazosi qo‘llandi
«Life.ru» Tailandning Uchinchi milliy telekanaliga asoslanib xabar tarqatishicha, Bangkokdagi markaziy turmada to‘qqiz yildan beri birinchi marotaba o‘lim jazosi ijro etilgan.
Mamlakatning 26 yoshli fuqarosi 2012-yildagi jinoyati uchun qatl etildi: u o‘z qurboniga 24 marta pichoq sanchib, uning telefoni va sumkasini olib qochgandi. U o‘sha kuniyoq qo‘lga olinib, o‘lim hukmi keyinchalik o‘qilgan.
Tailandda amaldagi jinoyat-protsessual kodeksi qabul qilingan 1935-yildan beri 326 kishi qatl etilgan. 2003-yilgacha jazo otib o‘ldirish yo‘li bilan amalga oshirilgan, keyinchalik in’yeksiya qo‘llana boshladi. Oxirgi marta o‘lim jazosiga 2009-yili ikki kishi tortilgandi: ularning ikkisi ham katta miqdordagi narkotiklar kontrabandasi bilan shug‘ullanganlikda ayblangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter