АҚШ Фуқаро авиацияси бошқармаси (FAA) янги буйруқ чиқарди: унга кўра, АҚШ авиакомпанияларига Эрон ҳаво кенгликларида парвоз қилиш тақиқланди.

#FAA issued #NOTAM warning pilots that flights are not permitted in the overwater area of the Tehran Flight Information Region until further notice, due to heightened military activities and increased political tensions. https://t.co/BQ2GOeFSEn pic.twitter.com/4t1OWEzkYZ

— The FAA (@FAANews) 21 июня 2019 г.

«FAA чиқарган буйруққа кўра, ҳарбий ҳаракатлар ва сиёсий зиддиятлар кучайиб бораётгани учун токи кейинги буйруқлар бўлмагунга қадар Теҳроннинг сув усти кенгликларида парвоз қилишга рухсат бўлмаслиги ҳақида учувчилар огоҳлантирилади», — дейилади «Твиттер»да жойланган хабарда.

Эслатиб ўтамиз, яқинда Эрон жанубида АҚШга қарашли учувчисиз бошқарилувчи қурилма уриб туширилганди. Хабарларга кўра, шундан сўнг ҳатто АҚШ президенти Эрон ҳудудларини ўққа тутишни маъқуллаган. Бунда радиолокацион станция ва ракета қурилмаларига зарба бериш кўзда тутилганди. Аммо кейинчалик Америка раҳбари қарорини бекор қилган.