АҚШ ва Ҳиндистон разведкаси Шри-Ланка ҳукуматини террорчилик актлари бўлиши ҳақида огоҳлантиришга уринган эди. Бу ҳақида мамлакат соғлиқни сақлаш вазири ва бир вақтнинг ўзида ҳукумат раҳбари бўлган Раджита Сенаратне хабар бериб ўтди.

Унинг гапларига қараганда, 4 апрелда махсус кучлар тизимида биринчи огоҳлантириш бўлган. Орадан беш кун ўтиб ҳукумат куч ишлатар блогига батафсил маълумот ёзилган доклад тақдим этилади. Унда нафақат портлашлар, балки уларни қайси экстремистик оқим амалга оширишидан тортиб, аниқ исм-шарифлар ёзилган эди.

Хориж махсус хизмати бир неча бор Шри-Ланкани огоҳлантиришга беҳуда уринган. Охиргиси 21 апрел, якшанба куни, Коломбода портлашлар бошланишидан ўн дақиқа олдин бўлган.

Эслатиб ўтамиз, Шри-Ланкада ҳаммаси бўлиб 8 та портлаш бўлиб ўтди. Охирги маълумотларга қараганда 290 киши ҳалок бўлган ва 450 дан ортиқ киши яраланган. Ҳалок бўлганлар орасида 35 нафар хориж фуқароси бор.

Эртаси куни, 22 апрелда Шри-Ланка пойтахти Коломбо шаҳрида яна битта портлаш бўлди. Черковлардан бирининг тўхташ жойига қўйилган микроавтобусдаги бомба портлатилган. Шу билан бирга яна 87 та жойда портловчи моддалар топилгани хабар қилинган эди.