Покистонга янги президент сайланди
Покистонда ўтказилган президентлик сайловларида Покистон Адолат ҳаракати (PTI)дан кўрсатилган номзод Ориф Алвийнинг қўли баланд келди, дея хабар беради «Анадўлу» ахборот агентлиги.
Мамлакатда бугун маҳаллий вақт билан соат 10:00 да бошланиб 16:00 да тугаган овоз бериш жараёнларининг дастлабки тасдиқланмаган натижаларига кўра, Ориф Алвий ғалаба қозонган.
Норасмий маълумотларга кўра, 660 нафар депутатдан 352 нафари Алвийни қўллаб-қувватлаб овоз берган.
Қолган номзодлар: мухолифат партиясидан Фазлурраҳмон 131, Покистон Халқ партиясидан Аитзоз Аҳсан 81 та овоз олган.
Покистоннинг сайланган янги президенти 5 йиллик вазифасига шу йил 9 сентябрь куни якун ясайдиган Мамнун Ҳусайндан сўнг мамлакат раҳбарлиги курсисига ўтиради.
Эслатиб ўтамиз, 18 август куни худди шу партия етакчиси Имрон Хон Покистоннинг 22-Бош вазири сифатида қасамёд қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter