Байрамни азага айлантирмоқчи бўлган кимса қўлга олинди
Федерал қидирув бюроси – «FBI» 4 июль – Америка мустақиллиги куни муносабати билан ўтказиладиган байрамларни азага айлантирмоқчи бўлган «ал-Қоида» гуруҳи аъзосини қўлга олганини маълум қилди. Бу ҳақда «Haber7» хабар бермоқда.
«FBI» ходимлари Пенсильвания штатининг Филаделфия шаҳрида эртага ўтказилиши кутилаётган байрамда бомба портлатмоқчи бўлган «ал-Қоида» гуруҳи аъзосини қўлга олди.
48 ёшли Деметриус Питс исмли террорчи «ал-Қоида» гуруҳига аъзо эканини тан олди. Питсга 20 йилгача озодликдан маҳрум қилиш жазоси тайинланиши кутилаяпти.
Эртага, яъни 4 июль куни Американинг турли штатларида Мустақиллик байрами ўтказилиши муносабати билан хавфсизликни таъминлашга жиддий эътибор қаратилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter