Италиянинг «Ипак йўли»га қўшилиши немисларга ёқмади
Хитойнинг улкан иқтисодий лойиҳаси — «Бир макон, бир йўл»га «Катта еттилик» мамлакатларидан қўшилган биринчи мамлакат Италия бўлди. Аммо апеннинликларнинг «шошқалоқлиги» етти ўлчаб бир кесувчи немисларга ёқмади, хусусан, Германия ташқи ишлар вазири Ҳайко Маас Римни бу иши учун танқид қилди.
Маас «Welt am Sonntag» нашрига берган интервьюсида «Агарда айрим давлатлар хитойликлар билан енг ичида битимлар тузамиз деб ўйлашаётган бўлса, бир куни уйқудан тобе ҳолда уйғонишса ажабланишмаса ҳам бўлади», — дея таъкидлади.
Вазирнинг фикрича, бугун жуда қизиқарли, истиқболли туюлаётган таклифлар «ўз аччиқ таъмини билдириш учун» кўп куттирмаслиги мумкин. Хитой глобал миқёсда манфаат изламоқда. ХХР ёки АҚШ каби «наҳанглар»га қарши Европа мамлакатлари фақат ягона блок, масалан, Европа иттифоқи кўринишида бас кела олишади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter