Катта еттилик саммитининг якуний ҳужжати Трампсиз имзоланиши мумкин
Франция президенти Эммануэль Макрон Канадада бўлиб ўтадиган катта еттилик саммити доирасида имзоланадиган якуний ҳужжат АҚШ лидерисиз имзоланиши мумкинлигини айтди. Бу ҳақда «Риа Новости» хабар бермоқда.
«Эҳтимол, Америка президенти яккаланишга қарши эмасдир, аммо биз, 6 давлат раҳбари ҳам усиз шартнома имзолашга қарши эмасмиз», — дея ёзган Макрон ўзининг «Twitter»ида.
Саммит 8 — 9-июнь кунлари Канаданинг Квебек вилоятида бўлиб ўтади.
Бироз аввал АҚШ президенти Доналд Трамп ўзининг «Twitter»ида Эммануэль Макрон ҳамда Канада бош вазири Жастин Трюдони савдо борасида тўсиқлар яратишда айблади.
У ЕИ АҚШ билан савдода 151 миллион доллар профицитга эгалигини, Оттава эса ўз бозорига АҚШ қишлоқ хўжалиги маҳсулотларини қўймаётганини эслаб ўтди.
7 июнь куни Макрон Трюдо билан биргаликдаги матбуот анжуманида АҚШ билан савдо урушига йўл қўйиб бўлмаслигини айтган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter