Куёв тўйдан икки соат ўтиб вафот этди
Дэнни Эмсли ўзининг никоҳ маросимидаги базмдан икки соат ўтиб ўлик ҳолда топилди. Унинг жасадини биринчи бўлиб келин кўрган.
Дэнни ва унинг қаллиғи Клэр 80 нафар яқинлари ва дўстлари гувоҳлигида ўз тўйларини нишонладилар. Буюк Британия шимолидаги Уэтерби шаҳрида жойлашган меҳмонхонада бўлиб ўтган базмдан сўнг соат 23.30 да куёв Дэнни ўзларининг хоналарига йўл олади, келин эса меҳмонлар билан қолади. Клэр бир оз вақт ўтиб эрининг ёнига киради, бу пайтда Дэнни тирик эди. Шундан сўнг келин яна пастга, меҳмонлар олдига тушиб кетади ва соат 1.30 қайтганида куёвнинг жонсиз ҳолда ётганини кўради. Зудлик билан чақирилган тиббиёт ходимлари ҳеч қандай ёрдам бера олмайдилар. Полиция қотиллик аломатларини топмайди.
Икки соатгина расман эр-хотин бўлиб яшаб 35 ёшида бева бўлиб қолган Клэр ўзининг 37 ёшида вафот этган эри Дэннини жуда яхши кўришини, усиз энди ҳаётини тасаввур қила олмаслигини билдирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter