Николас Мадуро Рим папасига хат ёзибди. Папа эса амирликларда...
«Қонундан ташқарида» қолган Венесуэла президенти Николас Мадуро сиёсий инқироз сабаб Рим папаси Францискдан ёрдам сўради. Мадуронинг ишонч билдиришича, католик черкови раҳнамоси ҳукумат, мухолифат ва халқ ўртасида мулоқотни бошлаб бера олади.
«Sky TG24» телеканали учун интервьюсида президент понтификка ўзининг «Худога ёқадиган» ишлари битилган мактубни йўллаганини айтди.
«Папа Францискка хат йўлладим. Ишонаманки, мактубим ҳозир йўлда ёки Рим, Ватиканга етиб борган», — деди жумладан Мадуро.
Мадуронинг хати Ватиканга балки етиб ҳам боргандир, бироқ Рим папасининг ўзи айни пайтда тарихий ташриф билан Бирлашган Араб Амирликларида бўлиб турибди. Францискнинг ташрифи эртага, 5 февраль куни ниҳоясига етади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter