Париждаги опера биносида ўқ-дорилар топилди
Франция пойтахти Париж шаҳридаги «Palais de Garnier» опера театри биносида Иккинчи жаҳон урушидан қолган ўқ-дорилар топилди. Бу ҳақда «Sabah» хабар бермоқда.
Франциянинг «Europe 1» радиоканали хабарига кўра, театр биноси таъмирланаётган пайтда топилган ўқ-дорилар ишчиларни ҳайратга солган.
Топилган иккита патрон ва 30 та ўқ Германиянинг «Mauser» номли қурол ишлаб чиқарувчи фирмасига тегишли экан. Бу ҳарбий ашёлар «Mauser Waffenfabrik» фирмасида ишлаб чиқарилгани ҳамда 1940-йилларда немис қўшинлари Парижни ишғол қилган пайтда опера театри биносига яшириб қўйилган экан.
1875 йили фойдаланишга топширилган «Palais de Garnier» опера театри биноси Париждаги энг гўзал иншоотлардан ҳисобланади.
Париж Иккинчи жаҳон уруши даврида, яъни 1940 — 1944-йилларда немисларнинг қўлида бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter