Собиқ президент Кравчук: «Қорнимгамас, қадримга йиғлайман»
Украинанинг биринчи президенти Леонид Кравчук
Украинанинг собиқ президенти Леонид Кравчук «НВ» журналига берган интервьюсида пенсиясидан нолиб қолди. Маълум бўлишича, мамлакатнинг собиқ раҳбарига, белгилаб қўйилганидек, президентлик пенсиясини эмас, балки депутатлик пенсиясини беришмоқда...
— Менда президент пенсияси йўқ! Депутатлик пенсияси — 18 минг гривен оламан, бу уят ва шармандалик, — деди Кравчук.
Мунтазам шу масалани кўтариб чиқаётган собиқ президентнинг арзини ҳар сафар ҳукумат беэътибор қолдирмоқда.
Мавзуга оид: Порошенконинг маоши қанча?
Сиёсатчи, тўғрироғи, пенсияси миқдориданмас, мамлакат равнақига қўшган ҳиссаси қандай баҳоланаётганидан куйинмоқда. Ҳолбуки, унинг таъкидлашича, собиқ президентдан кам хизмат қилган, бироқ кўпроқ пенсия олаётганлар сони Украинада оз эмас.
— Хизматимга яраша тўланглар! — деган Кравчук ўз сўзи ниҳоясида.
Маълумот учун: Леонид Кравчук — Украинанинг биринчи президенти бўлиб, 1991 йилнинг 5 декабридан 1994 йилнинг 19 июлига қадар мамлакатни бошқарган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter