Туркия АҚШ санкцияларига жавоб қайтаради
Анқара Вашингтоннинг икки турк мансабдорига нисбатан жорий қилган санкцияларини жавобсиз қолдирмайди. Бу ҳақда Туркия ТИВ эълон қилди, дея хабар қилмоқда «Lenta.ru».
«Биз Америка ҳукуматини ушбу хато ҳаракатдан воз кечишга чақирамиз»,- дея таъкидлаган ТИВ.
Мамлакат Ташқи ишлар вазири Мевлут Чавушўглу ўзининг «Твиттер»ида «АҚШ маъмурияти бундай усуллар билан ноқонуний талабларини қондиришга эриша олмаслигини англамас экан, биз умумий муаммоларни ҳал қила олмаймиз»,-деб ёзган.
АҚШ америкалик руҳоний Эндрю Брансоннинг қамоққа олинишига аралашув сабаб 1 августдан Туркиянинг адлия ва ички ишлар вазирлари Абдулхамид Гул ва Сулейман Сойлуга нисбатан чеклов чораларини жорий этган. У 2016 йилнинг октябрида давлат тўнтаришини ташкил этишда иштирок этган деб ҳисобланувчи «FETÖ» ташкилотига ёрдам берганликда айбланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter