Хитой чиқиндилар импортини тенг ярмига қисқартирди
Хитой 2018 йилнинг январь—октябрь ойлари давомида қаттиқ чиқиндилар импортини йиллик кесимда 51,5 фоизга (17,27 млн. тоннагача) камайтирди. Бу ҳақда «Синьхуа» ахборот агентлиги ХХР Божхона бош бошқармасига асосланиб хабар тарқатди.
Чиқиндилар импорти кескин камайишига мамлакат ҳукуматининг чекловлари сабаб бўлди.
Хитойга иккиламчи хом ашё сифатида фойдаланиш учун четдан чиқинди олиб кириш 1980-йиллардан бошланган. Гарчи утилизация учун етарлича шароитга эга бўлмаса-да, мамлакат узоқ йиллар энг йирик чиқиндилар импортёри бўлиб қолди. «Чиқинди бизнеси» билан шуғулланувчи кўплаб компанияларнинг ноқонуний фаолияти оқибатида атроф-муҳит ҳамда аҳоли саломатлиги учун катта хавф туғилди.
Хитой ҳукумати чиқиндиларни импорт қилишни 2019 йилда бутунлай тўхтатмоқчи (мисол учун, пластик ва макулатура тақиқланади), фақат таркибида мамлакатда етишмайдиган ресурс мавжуд чиқиндиларга рухсат берилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter