АИ-80 маркали бензин нархи ошишда давом этмоқда
Республика товар-хом ашё биржасида ўтган ҳафта давомида савдога чиқарилган АИ-80 маркали бензиннинг нархи 4,4 фоизгача ошди.
Ўтган ҳафтада АИ-80 маркали автомобиль бензиннинг ўртача кунлик нархи бир тонна учун 5 325,1 минг сўмдан 5 557,1 минг сўмгача ёки 4,4% га кўтарилган.
Қайд этилишича, кўриб чиқилаётган даврда АИ-80 русумли автомобиль бензиннинг ўртача ҳафталик котировкаси 5 476,8 минг сўмни, АИ-91 – 6 203,9 минг сўмни ташкил этди.
Биржа хабарига кўра, ўтган ҳафта давомида биржа савдоларига 24 338,0 тонна АИ-80 маркали автомобиль бензини қўйилди ва улардан 20 273,3 тоннаси, яъни 83,3% сотилган. Ўтказилган савдоларда ҳар куни ўртача 52 харидор иштирок этган.
Маълумот учун, АИ-80 русумли бензин бир ойча аввал 4100 сўмдан 4500 сўмгача нархда сотилаётган эди. Кейинчалик унинг нархи 4500 сўмдан 4800 сўмгача кўтарилганди. Ҳозирда Тошкентдаги автомобилларга ёнилғи қуйиш шохобчаларида АИ-80 бензининг бир литри ўртача 4600 сўмдан 5000 сўмгача сотилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter