Андроид қурилмалар учун Xabar.uz мобил иловаси. Юклаб олиш ×

Япония почтаси ҳайдовчисиз автомобиллардан фойдаланишни йўлга қўяди

Япония почтаси ҳайдовчисиз автомобиллардан фойдаланишни йўлга қўяди

Фото: «Riafan.ru»

Япония давлат почта хизмати бир бўлинманинг хат ва жўнатмаларини бошқа бирига юборишда ҳайдовчисиз бошқариладиган юк машиналаридан фойдаланиш ниятида, деб хабар берди «Hi-News».

«Замонавий «автопилот» функцияси билан жиҳозланган автомобиллар бемалол буни уддалай олади. Бундан ташқари газеталарни етказиб бериш орқали шу турдаги автомобилларни шаҳар шароитида яна бир бор синовдан ўтказиш мумкин бўлади», — дейди ташкилот вакили.

Бир неча кун олдин Токиода Япония почтасининг рангларида туширилган ҳайдовчисиз бошқариладиган автомобиллар тақдим этилган. Тантанали намойишдан олдин машина синовдан ҳам ўтказилади. У Япония почтаси штаб-квартирасидан 2 километр узоқликдаги бошқа бўлинмага қатнайди. Йўлда машина бир марта тўхтайди.

Ҳозирча почта маъмурияти синов қаерда ва қачон ўтказилишини очиқламаган, бироқ компания келажакда ҳайдовчисиз бошқариладиган автомобилларни янада кўпайтиришни режалаштирмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг