Божхона ходимига пора таклиф этган фуқаро 700 доллар бераётганда қўлга олинди
Бухоронинг “Олот” чегара божхона постида фуқаро М.Б. божхона ходимига пора бераётган пайтда қўлга олинди. Бу ҳақда «Xabar.uz» манбаси хабар қилди.
М.Б юк автомашинасини божхона кўригидан ўтказиш жараёнида аниқланган юк кузатув ҳужжатларида кўрсатилмаган жуда кўп миқдордаги халқ истеъмол молларига нисбатан тегишли тартибда ҳужжатларни расмийлаштирмаслик ва юк автомашинасини божхона постидан йўналиш бўйича ҳаракатланиши эвазига божхоначига 700 АҚШ долларини пора сифатида таклиф этган. Контрабанда ва божхона қонунчилиги бузилишига қарши курашиш гуруҳи тезкор вакили Б.Ининг бошқарма бошлиғи номига ёзган билдиргисига асосан тезкор тадбир ўтказилиб, фуқаро пора бераётган пайтида қўлга олинган. Ушбу ҳолат юзасидан терговга қадар текширув ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter