Калифорнияда ҳарбий вертолёт ҳалокатга учради
Бугун, 4 апрель куни АҚШ ҳарбий денгиз пиёдалари корпусига қарашли вертолёт Калифорния штатининг жанубида ҳалокатга учради. Вертолётдаги тўрт нафар экипаж аъзосининг ҳалок бўлгани айтилмоқда. Бу ҳақда «РИА Новости» хабар берди.
«CH-53E Super Stallion» денгиз пиёдалари корпусига қарашли вертолёт Калифорниянинг Эль-Сентро шаҳрида ўқув-машғулот вақтида ҳалокатга учради», дейилади баёнотда. Ҳарбийларнинг маълумотига кўра, ҳалокат сабаби ҳозирча номаълум.
Вертолёт бортида жойлашган тўрт киши вафот этган, аммо улар денгиз пиёда қисмлари аъзоси эканига ойдинлик киритилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter