Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Машҳур брендлар қалбаки бўлиб чиқди

Машҳур брендлар қалбаки бўлиб чиқди

Зангиота туманида таниқли компания кир ювиш кукунларини қўлбола усулда тайёрлаб сотаётган яширин цех фаолияти фош этилди. Бу хақда Бош прукуратура ҳузуридаги тергов департаменти маълум қилди.

Қайд этилишича, департаментнинг Зангиота туман бўлими томонидан «The Procter & Gamble» компанияси ишончли вакилининг мурожаатига асосан туман ДСИ билан ўтказилган тезкор тадбирда, фуқаро Э.Т. ўзининг яшаш хонадонида яширин цех ташкил қилиб, ҳар бири 2 кг. дан қадоқланган полиэтилен қопларда «Ariel», «Tide», «Persil» ва «Миф» номли брендлар остида қалбакилаштирилган кир ювиш кукунларини ишлаб чиқарилаётганлиги аниқланиб, ушбу хонадондан 4 540 кг ярим тайёр маҳсулотлар, 146 дона кир ювиш кукуни, 111 дона турли бренд номлари туширилган полиэтилен пакетлар, 2 дона қадоқлаш ускунаси ва тарози ашёвий далил сифатида олинган.

Мазкур ҳолат юзасидан Жиноят кодексининг 149-моддаси (муаллифлик ёки ихтирочилик ҳуқуқларини бузиш) билан жиноят иши қўзғатилиб, тергов ҳаракатлари ўтказилмоқда.

Эслатиб ўтамиз, аввалроқ тадбиркорнинг 1 млрд сўмини қўлга киритган фирибгарнинг қилмиши фош этилгани маълум қилинганди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг