Очиқ-сочиқ видеоси учун блоггер аёлни эри отиб ташлади
Бразилияда бир эркак видео туфайли келиб чиққан жанжал пайтида рафиқаси — TikTok блоггери Элиан Феррейру Сиолинни отиб ташлади, деб хабар бермоқда «Daily Mail».
ОAВ хабарларига кўра, фожиа 24 январь куни оилавий барбекю пайтида юз берган. Можарога Сиолин ижтимоий тармоқларга жойлаган роликлардан бири сабаб бўлган.
Видеонинг ҳаддан ташқари очиқ-сочиқлигидан жаҳли чиққан эр 6 ёшли қизининг кўз ўнгида хотинига қарата 14 марта ўқ узган ва шундан кейин ўз жонига қасд қилган.
Полиция жасадларни шаҳар ташқарисидаги уйнинг орқа ҳовлисидан топди. Сиолинда кўплаб ўқ жароҳатларидан ташқари ўнг елкаси ҳам синганлигини аниқлашди. Марҳумнинг дўстлари полициячиларга эр-хотин одамларнинг олдида ҳам тез-тез жанжаллашишини маълум қилишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter