Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Қоида бузиш бўйича рекорд ўрнатган қора «Жентра» ушланди

Қоида бузиш бўйича рекорд ўрнатган қора «Жентра» ушланди

Тошкент шаҳрида рекорд даражада — 60 дан ортиқ қоидабузарликларни содир этган қора "Жентра" ушланиб, Чорсу жарима майдончасига олиб келинган.

Ҳайдовчи ушбу машина қидирувда экани ва бошқа қоидабузарликларни ҳам яшириш мақсадида турли усулларни ўйлаб топган.

"Тошкент" телеканалида эфирга узатилган кўрсатувда айтилишича, 6 октябр куни Чилонзор туманида "Жентра"нинг давлат рақами (01 007 SSS) шубҳа остига олинган. Рақам текширилганда ИИВ ЙҲХБ рўйхатида йўқлиги аниқланган.

Қўшимча қилинишича, машина олд ва орқа ойналари қорайтирилган, ҳайдовчи махсус рухсатномасиз ҳаракатланган, шунингдек, милтилловчи чироқлар ва махсус карнайлар ҳам аниқланган.

Текширув-суриштирув натижаларига кўра, машина юкхонасидаги бир неча рақамлар ҳам ушбу автоуловга тегишли бўлиб чиқмади. Аниқланишича, машина ҳайдовчининг онасига тегишли эди ва ҳайдовчи жарима ва жавобгарликдан қочиш мақсадида шундай қочиб юрган.

Ҳайдовчига нисбатан маъмурий жавобгарлик белгиланган ва жиноий иш ҳам қўзғатилган. Тергов олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг