Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тошкентда яна автобус ёнди

Тошкентда яна автобус ёнди

Фото: Тошкент шаҳар ИИББ

Бугун, 11 декабрь куни Тошкент шаҳрининг Навоий кўчасида «4-avtobus saroyi» МЧЖга қарашли «Mercedes-Benz Low Floor» русумидаги йўловчи автобуси ёниб кетди. Бу ҳақда Тошкент шаҳар ИИББ хабар берди.

Маълум қилинишича, Эркин – Олой бозори йўналишида ҳаракатланган автобус Навоий кўчасидан юраётганида тўсатдан олов олган.

Ёнғин ҳақида навбатчи қисмга соат 7:23да маълумот келиб тушган. Ўт ўчирувчилар саъй-ҳаракати билан 7:29да ёнғин ўчирилган. Ҳайдовчи ва йўловчилар жабрланмаган.

Дастлабки хулосаларга кўра, автобуснинг ёқилғи тизимидаги носозлик ёнғинга сабаб бўлган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг