Тунги клубда можаро: 17 киши ҳалок бўлди
Венесуэла пойтахти Каракас шаҳридаги тунги клубда можаро чиқди: клубга отилган газ бомбаси 17 кишининг ҳаётига зомин бўлди. Бу ҳақда «Haber7» хабар қилмоқда.
Венесуэла ички ишлар вазири Нестор Реверолнинг айтишича, эл-Параисо шаҳарчасидаги «Лос Которрос» тунги клубида битирув кечасини ўтказаётган ёшлар орасида можаро чиққан.
Воқеа оқибатида бир ўқувчи клубга кўздан ёш оқизувчи бомба отиши оқибатида 17 киши ҳалок бўлган.
Клубда ўша пайт 500 га яқин киши бўлган. Ҳалок бўлганларнинг 8 нафари 18 ёшга тўлмаган ўсмирлардир.
Яраланганлар зудлик билан шифохонага ётқизилган. Улардан бирининг аҳволи оғир экани айтилмоқда.
Воқеа юзасидан суриштирув ишлари олиб борилаётганини маълум қилган Реверол 7 кишининг ҳибсга олинганини айтди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter