Туркияда поезд йўлидан чиқиб кетди: 10 киши ҳалок бўлди, 73 нафари жароҳатланди
Туркиянинг Текирдоғ вилоятидаги Чорлу туманида Капикуле-Истанбул йўналишида ҳаракатланаётган йўловчи поезди вагони рельсдан чиқиб кетди, деб хабар бермоқда «Анадолу» агентлиги.
Дастлабки маълумотларга кўра, ҳалокат натижасида 10 киши қурбон бўлган, 73 нафар йўловчи жароҳатланган. Бу ҳақда Туркия соғлиқни сақлаш вазирлиги вакили Аюб Гмюш хабар берган.
«Жароҳат олганлар кўп. Ҳудуд ўтиш қийин бўлган жой бўлгани учун туманга махсус техника жалб қилинган. Жароҳатланганларнинг аксарияти воқеа жойидан эвакуация қилинган. Фожиа сел ёмғирлари натижасида рўй берган, деган тахминлар бор. Тез орада вазирлик воқеа юзасидан расмий баёнот билдиради», дея баёнот берган Текирдоғ губернатори.
Туркия ҳукумати Текирдоғдаги темир йўл фожиаси натижасида кўп сонли қурбонлар ва жабрланганлар ҳақидаги хабарни тасдиқлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter