Японияда ўзбекистонлик талаба денгизга чўкаётган ўсмирни қутқариб қолди (видео)
Япониянинг Окинава префектураси Гинован шаҳрида 21 ёшли ўзбекистонлик талаба денгизга чўкаётган болани қутқариб қолди. Бу ҳақда Nippon NewsNetwork телеканали хабар берди.
Қайд этилишича, бола тақиқланган жойда дўстлари билан чўмилаётган бўлган. Чўкаётган ўспиринни кўриб ўзбекистонлик Элдор Ўринбоев ёрдамга шошилди ва уни қутқариб қолди.
Япониянинг Ўзбекистондаги элчиси Ёшинори Фужияма Элдор Ўринбоевга ўзганинг ҳаётини сақлаб қолганлиги учун миннатдорлик билдирди.
«Мен ўзбек талабасига жасурлиги ва виждонлилиги учун, ўзи денгиз бўйида биринчи марта бўлганига қарамай, ҳаётини хавфга қўйган ҳолда одамни қутқаргани учун самимий миннатдорлигимни билдираман», дейилади Элчининг мактубида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter