Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Солиқчи пора билан ушланди

Солиқчи пора билан ушланди

Фото: «Xabar.uz»

ИИБ коррупция ва иқтисодий жиноятларга қарши кураш бўлими ва Хоразм вилояти прокуратураси ходимлари солиқ ходимини пора олаётган вақтида қўлга олди, деб хабар берди «Uznews».

Боғот туманида яшовчи, 1973 йилда туғилган Қ.Х. солиқ тизимида ўзига ишониб топширилган мансаб ваколатидан фойдаланган ҳолда моддий бойлик орттиришни режалаштириб олди.

У ўзининг ёнига бирор жойга ишга киришида ёрдам сўраб келган танишига бажонидил ёрдам беришини билдириб, «озгина харажати» борлигини суҳбат орасида эслатиб ўтади.

2018 йилнинг 5 июнь куни Хоразм вилояти ИИБ коррупция ва иқтисодий жиноятларга қарши кураш бўлими ва вилоят прокуратураси ходимлари ҳамкорлигида ўтказилган тезкор тадбир давомида, ўзи талаб қилган 1000 АҚШ долларини олаётган Қ.Х. жиноят устида қўлга олинди.

Хоразм вилояти ИИБ ходими подполковник З.Исмоиловнинг хабар беришича, ҳозирда мазкур ҳолат юзасидан Ўзбекистон Республикаси Жиноят Кодексининг 168-моддаси 1-қисми (фирибгарлик) ва 28-211-моддаси 1-қисми (пора беришга далолатчилик қилиш) билан жиноят иши қўзғатилиб, тергов ҳаракатлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг