Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Вашингтонда ўтказиладиган халқаро мусобақада Ўзбекистон шарафини Тошкентнинг Вестминстер университети жамоаси ҳимоя қилади

Вашингтонда ўтказиладиган халқаро мусобақада Ўзбекистон шарафини Тошкентнинг Вестминстер университети жамоаси ҳимоя қилади

Фото: ЎзА

АҚШнинг Вашингтон шаҳрида бўлиб ўтадиган халқаро мусобақада Ўзбекистон шарафини Тошкентнинг Вестминстер университети жамоаси ҳимоя қилади Тошкент шаҳридаги халқаро Вестминстер университетида 8 февраль куни Филипп Жессоп номидаги Халқаро ҳуқуқшунослар мусобақасининг миллий раунди бўлиб ўтди.

Унда ҳуқуқшунос кадрлар тайёрловчи 3 олий таълим муассасаси – Тошкент шаҳридаги халқаро Вестминстер университети, Тошкент давлат юридик университети ҳамда Жаҳон иқтисодиёти ва дипломатия университети жамоалари ўзаро баҳслашди.

Уч раунд давом этган баҳсларда Тошкент шаҳридаги халқаро Вестминстер университети жамоаси биринчи ўринни қўлга киритиб, апрель ойида АҚШнинг Вашингтон шаҳрида бўлиб ўтадиган халқаро мусобақада Ўзбекистон шарафини ҳимоя қиладиган бўлди.

Эслатиб ўтамиз, Халқаро ҳуқуқшунослар ассоциацияси томонидан анъанавий тарзда ўтказиб келинаётган Халқаро ҳуқуқшунослар мусобақаси БМТнинг Халқаро адлия суди ҳузуридаги суд жараёни моделига асосланган ҳолда ўтказилади. Халқаро ҳуқуқшунослар мусобақаси 100 га яқин давлатдаги ҳуқуқшуносликка ихтисослашган 650 дан зиёд олий ўқув юртини қамраб олган дунёдаги энг катта суд танловидир.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг