Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Миллий банк Андижонда 2286 та иш ўринлари яратадиган лойиҳаларга пул тикади

Миллий банк Андижонда 2286 та иш ўринлари яратадиган лойиҳаларга пул тикади

Фото: Беҳзод Абдужабборов

Ўзбекистон Республикаси ташқи иқтисодий алоқалар Миллий банки Андижон вилоятида 2019-2020 йилларда Андижон вилоятида тадбиркорликни ривожлантириш ва янги иш ўринлари яратиш учун бир қатор тадбирларни режалаштирмоқда. Бу ҳақда банк томонидан Андижон вилоят филиалига ташкил этилган пресс-тур давомида маълум қилинди.

Хусусан, вилоятда тадбиркорлик субъектларининг бизнес лойиҳаларини молиялаштириш мақсадида барча йўналишлар бўйича умумий қиймати 755,3 миллиард сўмлик 41 та лойиҳаларга 533,0 миллиард сўм миқдорида кредит маблағлари ажратилиши кўзланмоқда. Натижада Андижонда 2286 та янги иш ўринлари яратилади.

Тармоқлар бўйича кўрадиган бўлсак қуйидаги миқдорда кредит маблағлари ажратилади:

— саноат соҳасидаги 15 та лойиҳага 473,7 миллиард сўм;
— қишлоқ хўжалигидаги 8 та лойиҳага 22,5 миллиард сўм;
— хизмат кўрсатиш соҳасидаги 18 та лойиҳага 36,8 миллиард сўм.

Ҳозирги кунда ушбу лойиҳалардан 36 тасига 121,6 миллиард сўм ва 40 350,0 минг АҚШ доллари миқдорида кредит ажратилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг