Андроид қурилмалар учун Xabar.uz мобил иловаси. Юклаб олиш ×

Президент Ангор туманидаги чиқиндилардан тайёр маҳсулот ишлаб чиқарадиган завод билан танишди

Президент Ангор туманидаги чиқиндилардан тайёр маҳсулот ишлаб чиқарадиган завод билан танишди

Фото: Президент Матбуот хизмати

Бугун мамлакатимиз Президенти Шавкат Мирзиёевнинг Сурхондарё вилоятига ташриф буюргани ҳақида хабар берган эдик.

Ташриф давомида Президент Ангор  туманидаги “Био техно эко” масъулияти чекланган жамияти фаолияти билан танишди.

Завод Термиз шаҳри, Термиз ва Ангор туманларидан чиқиндиларни йиғиш, саралаш, қайта ишлаш ҳамда улардан тайёр маҳсулот ишлаб чиқаришга ихтисослашган.

Бир йилда 182 минг тоннадан ортиқ чиқиндини қайта ишлаш орқали бу ерда полиэтилен қувурлар, шишадан мозаика ва плиткалар, ёғочдан ёқилғи брикетлари, қоғоз чиқиндисидан картон ва қоғозлар, озиқ-овқат чиқиндисидан биогаз ҳамда биогумус ишлаб чиқарилади. Корхона жорий ой охирида иш бошлаши режалаштирилмоқда. Айни пайтда 150 киши ишга қабул қилинган. Завод тўлиқ ишлагач яна 250 киши иш билан таъминланади. 

Шу ернинг ўзида гидроэнергитека, транспорт, кўмир саноати ва бошқа соҳаларни ривожлантириш, қурилиш материаллари ишлаб чиқариш, бўш турган объектлардан самарали фойдаланиш лойиҳалари тақдимоти ҳам ўтказилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг