Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Соф фойданинг 10 фоизи инновацион фаолиятни молиялаштиришга сарфланиши керак

Соф фойданинг 10 фоизи инновацион фаолиятни молиялаштиришга сарфланиши керак

Фото: «Xabar.uz»

Вазирлар Маҳкамасининг 2018 йил 12 мартдаги 195-сон қарори билан Хўжалик бошқаруви органлари ва йирик давлат корхоналаридаги Инновацион фаолиятни қўллаб-қувватлаш жамғармаси тўғрисидаги Намунавий низом тасдиқланди, деб хабар берди «Хуқуқий ахборот» канали.

Намунавий низомга асосан хўжалик бошқаруви органлари ва йирик давлат корхоналари Жамғарма учун ажратиладиган маблағлари унга хизмат кўрсатувчи тижорат банкларидан бирида очиладиган махсус ҳисоб рақамида жамланади.

Жамғарма маблағлари қуйидаги мақсадларда сарфланади:

  • янги техника ва технологияларни ишлаб чиқиш, зарур тажриба-саноат синовларини ўтказиш;
  • илмий-тадқиқот ва олий таълим муассасалари билан илмий-тадқиқот ишларини бажариш бўйича тузилган шартномаларни молиялаштириш;
  • илмий-тадқиқот ва олий таълим муассасаларининг моддий-техник ва илмий-лаборатория базасини мустаҳкамлаш, илмий-техник ходимларни моддий рағбатлантириш ва малакасини оширишда молиявий қўллаб-қувватлаш.

Жамғарманинг жорий йилда фойдаланилмаган маблағлари қайтариб олинмайди ва келгусида фойдалниш учун хўжалик бошқаруви органлари ва йирик давлат корхоналарининг махсус ҳисоб рақамида сақланади.

Ҳужжатнинг тўлиқ матни билан www.lex.uz орқали танишишингиз мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг