Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

2017 йилда 3500 нафардан ортиқ ўзбекистонлик давлат томонидан чет элга ишлашга жўнатилди

2017 йилда 3500 нафардан ортиқ ўзбекистонлик давлат томонидан чет элга ишлашга жўнатилди

Фото: «Udemy.com»

2017 йилда Ташқи меҳнат миграцияси масалалари агентлиги томонидан 3500 нафардан ортиқ Ўзбекистон фуқаролари ташкилий равишда ишлаш учун хорижга жўнатилди. Бу ҳақда 23 февраль куни Бандлик ва меҳнат муносабатлари вазирлиги томонидан ўтказилган матбуот анжуманида маълум қилинди, деб хабар бермоқда «Gazeta.uz».

Жумладан, 2613 нафар Ўзбекистон фуқароси Жанубий Кореяда ишлашга юборилган бўлса, 2710 нафар номзод корейс тили бўйича тест синовларини топширди. Ўзбекистон ва Россия ўртасида 2017 йил 5 апрель куни Москвада имзоланган келишувга мувофиқ эса 922 нафар меҳнат мигранти Россияга жўнатилди. Яна 17 нафар ўзбекистонлик Японияда меҳнат фаолиятини амалга ошириш учун юборилди.

Матбуот анжумани жараёнида бандлик ва меҳнат муносабатлари вазири ўринбосари Зокир Умаровнинг маълум қилишича, 2018 йилда фақатгина Россияга 50 мингдан ортиқ Ўзбекистон фуқаросини ташкилий равишда юбориш режалаштирилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг