Андроид қурилмалар учун Xabar.uz мобил иловаси. Юклаб олиш ×

Чироқчида норозилик. Фуқаролар «Ўзбекэнерго» устидан Президентга мурожаат қилишди

Чироқчида норозилик. Фуқаролар «Ўзбекэнерго» устидан Президентга мурожаат қилишди

Фото: «Xabar.uz»

Таҳририятимизга республикамизнинг турли жойларида яшайдиган аҳолидан мурожаатлар келиши давом этмоқда. Хусусан, қуйидаги мурожаатда электр энергияси етишмовчилигидан азият чеккан фуқаролар дарди англашилади:

«Ҳурматли Президентимиз Шавкат Мирзиёев, аҳолини қийнаётган бир масала бўйича сизга қишлоғимиз аҳолиси номидан ёзмоқдамиз.

Қашқадарё вилоятининг Чироқчи туманида («Ўзбекэнерго» АЖ Қашқадарё ХЕТ АЖ ПС Чорвадор 35/10 кв) электр энергия етишмовчилигидан аҳолимиз қийналмоқда. Бизнинг даромадимиз чорвачилик ва деҳқончиликдан. Бу йил табиат инжиқликлари сабаб чорвамиз оғир аҳволга тушиб қолди.

Энди бор умидимиз деҳқончиликдан, аксига олиб, электр энергиямиз чекланган, суткасига 6 соат ток беради. Бу аҳволда чорвачилик ҳам, деҳқончилик ҳам қилиб бўлмайди. Бугун (12.05.2018 соат 12:00 ларда) Қанотли МФЙ, Гужумли МФЙ, Тошли МФЙда яшайдиган фуқароларимиз норозилик билдириб, Чорвадор ПС олдига йиғилишди. Бу инсонларнинг дардини эшитадиган бирор-бир раҳбар йўқ.

Фуқароларимизнинг бор умидлари ҳурматли Президентимиздан. Чорвадор электр подстанциямизни таъмирлашда амалий ёрдам беринг», дея якунланади мурожаат.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг