Ўзбекистон Журналистлари ижодий уюшмаси миллий ва халқаро журналистиканинг ютуқларини кенг оммалаштириш, ОАВ ходимларининг фаол  фуқаролик позициясини намоён этишлари учун шароит яратиш, ижодий фаолиятга янгича ёндашувларни қўллаб-қувватлаш ҳамда миллий журналистика ривожига ҳисса қўшиш мақсадида Жаҳон матбуот эркинлиги кунига бағишланган «Олтин қалам – XVI» Миллий  мукофоти учун халқаро танловини эълон қилди.

Танлов — телевидение, радио, босма нашрлар, интернет-журналистика ва чет эллик журналистнинг Ўзбекистон  ҳақидаги энг яхши материали бўйича  беш йўналишда ўтказилади.

Танловда (2021 йилнинг 31 мартидан 2022 йилнинг 1 апрелигача) босма ва интернет нашрларда эълон қилинган, радио ва телевидениеда эфирга узатилган материаллар кўриб чиқилади.

Танловда 1 та Бош миллий мукофот!

Шунингдек, асосий мукофотлар:

Телевидение бўйича

Энг яхши журналистик материал учун миллий мукофот (1, 2, 3-ўринлар);

Радио бўйича

Энг яхши журналистик материал учун миллий мукофот (1, 2, 3-ўринлар);

Босма нашрлар бўйича

Энг яхши журналистик материал учун миллий мукофот (1, 2, 3-ўринлар);

Интернет нашрлар бўйича

Энг яхши журналистик материал учун миллий мукофот (1, 2, 3-ўринлар).

Чет эллик журналистнинг Ўзбекистон  ҳақидаги энг яхши материали учун — 1 та биринчи ўрин, 4 та иккинчи ўрин  (ТВ, радио, босма ва интернет нашрлар).

Рағбатлантирувчи мукофотлар:

• Инсон қадрини улуғлашга бағишланган энг яхши материаллари учун;
• Оила ва маҳалла мавзуси энг яхши ёритилган материаллари учун;
• Ўзбекистон тарихи ёритилган энг яхши материаллари учун;
• Энг яхши ахборот хизмати;
• Энг яхши фоторепортаж.

Ижодий ишлар «Олтин қалам» танловига деб кўрсатилган ҳолда қуйидаги манзилга юборилиши лозим:

100129, Тошкент ш., Навоий кўчаси, 30-уй. Ўзбекистон Журналистлари ижодий уюшмаси.                                                       

Мурожаат учун телефонлар: 71 -244-64-62, 71-244-37-87, 71- 244-64-61,
Телеграм рақам: 99-592-05-48