Байрам ва муҳим саналар

• Қаҳрамонлар хотираси куни (Мадагаскар).
• Юридик хизмат мутахассиси куни (Россия).
• Ёшлар куни (Хитой).
• Боганда куни (МАР). Бартелеми Боганда — Марказий Африка Республикаси мустақиллиги учун кураш етакчиларидан бири.

Воқеа-ҳодисалар

• 168 йил (мил. авв.) — Биринчи газета (Рим, эълонлар тахтаси). 
• 1461 йил — Таутон жанги. Англиядаги Қизил ва Оқ атиргуллар урушидаги энг қонли жанг.
• 1638 йил — швед лютеранлари европаликлардан биринчи бўлиб Делавэр (Америка)да доимий яшаш учун маскан қуришди.
• 1778 йил — инглиз капитани Жеймс Кук Ванкувер оролига қадам қўйган биринчи европалик бўлди.
• 1795 йил — немис композитори Людвиг ван Бетховен Венада илк концертини берди.
• 1848 йил — Ниагара шаршараси 30 соатдан ортиқ вақт тўхтаб қолди. Чунки Ниагара дарёси музлаб қолганди.
• 1867 йил — Англияда Шимолий Америкада Канадага асос солиш тўғрисидаги қонун қабул қилинди.
• 1873 йил — Лев Толстой «Анна Каренина» романини ёзишга киришди.
• 1886 йил — Иоганн Цукертортни енгган Вилгелм Стейниц шахмат бўйича биринчи жаҳон чемпионига айланди.
• 1886 йил — АҚШда «Соса-Соla» сотила бошланди.
• 1940 йил — Англия банки қалбакилаштиришдан юқори даражада ҳимояланган, орасидан ингича металл ип ўтказилган илк қоғоз пулларни чиқарди.
• 1947 йил — Мадагаскар тарихидаги энг йирик исёнлардан бири содир бўлди.
• 1955 йил — Москвада Ю.Кнозоров кандидатлик диссертациясини ҳимоя қилди (унга бир йўла фан доктори даражаси берилди). У майя халқи ёзувларини ўқий олганди.
• 1961 йил — Вашингтонликлар (пойтахтликлар) ҳам АҚШда овоз бериш ҳуқуқига эга бўлишди.
• 1967 йил — Биринчи француз атом сувости кемаси сувга туширилди.
• 1973 йил — Ветнам уруши тугади.
• 1974 йил — АҚШнинг «Mariner 10» космик аппарати Меркурий сайёрасини суратга олди.
• 1974 йил — Хитойнинг Сиан шаҳри атрофида икки минг йил аввал кўмилган «Терракот армия»ни маҳаллий аҳоли тасодифан топиб олди.
• 1998 йил — Лиссабонда Европадаги энг узун кўприк очилди.
• 2010 йил — Москва метросига террорчилар хуружи. 

Таваллуд кунлари

• 1561 йил — Санторио Санкториус, италян шифокори, анатом, физиолог, биринчи бўлиб термометр ва томир уришини ўлчагични ишлатган (1636 йили в.э.).
• 1629 йил — Алексей Михайлович, рус шоҳи (1676 йили в.э.).
• 1790 йил — Жон Тайлер, АҚШнинг 10-президенти (1862 йили в.э.).
• 1805 йил — Эжен Шнайдер, француз тадбиркори, дунёда биринчи бўлиб буғда ҳаракатланувчи локомотив ва пароходни қурган.
• 1918 йил — Сэм Уолтон, америкалик тадбиркор, «Walmart» тармоғи асосчиси (1992 йили в.э.).
• 1957 йил — Кристофер Ламберт, француз киноактёри.