Хабарлар тезкор Телеграм каналимизда Обуна бўлиш ×

Жалолиддин Мангубердининг Чингизхонга қарши жанги саҳналаштирилди

Жалолиддин Мангубердининг Чингизхонга қарши жанги саҳналаштирилди

Фото: Мудофаа вазирлиги матбуот хизмати

Жиззах вилоятида жойлашган «Гандумтош» қишлоғида «Мардлар қўриқлайди Ватанни!» шиори остида фестиваль бўлиб ўтди. 10 мингга яқин ёшлар иштирок этган фестивал доирасида Жалолиддин Мангубердининг Чингизхонга қарши ўтказган жангларидан парчалар саҳналаштирилди. Бу ҳақда Мудофаа вазирлиги матбуот хизмати «Xabar.uz»га хабар берди.

Фото: Мудофаа вазирлиги матбуот хизмати

Марказий ҳарбий округ қўмондонлиги, Жиззах вилоят ҳокимлиги, Миллий гвардия, Давлат хавфсизлик хизмати Чегара қўшинлари, Ўзбекистон ёшлар иттифоқи вилоят Кенгаши, Мудофаага кўмаклашувчи «Ватанпарвар» ташкилоти, вилоят Фавқулодда вазиятлар бошқармаси ҳамкорлигида ташкил этилган мазкур фестивалда Ватан ҳимояси йўлида аждодларимизнинг мардонавор кураши мозийга саёҳат руҳида кўргазмали тарзда очиб берилди.

Фото: Мудофаа вазирлиги матбуот хизмати

Замонавий ҳарбий техника, қурол-аслаҳалар намойиши, ҳарбий оркестр ва бадиий ҳаваскорлик гуруҳларининг концерт дастури, «Темурийлар издоши» мактаб тарбияланувчилари, ҳарбий хизматчилар, кинология ва кавалерия қўшинларининг кўргазмали чиқишлари фестиваль иштирокчиларида катта қизиқиш уйғотди.

Фото: Мудофаа вазирлиги матбуот хизмати

Фестиваль давомида миллий спорт ўйинларидан бири кўпкари ҳам ташкил этилди. Фаол иштирок этган чавандозлар рағбатлантирилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг