Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Президент Нукусдаги кўп қаватли уйларда жойлашган боғча ва поликлиника фаолияти билан танишди (фото)

Президент Нукусдаги кўп қаватли уйларда жойлашган боғча ва поликлиника фаолияти билан танишди (фото)

Фото: Президент матбуот хизмати

Президент Шавкат Мирзиёев Нукус шаҳрининг «Қумбуз овул» маҳалласида барпо этилган кўп қаватли уйларнинг биринчи қаватида жойлашган мактабгача таълим муассасаси ва оилавий поликлиника фаолияти билан танишди. Бу ҳақда Президент матбуот хизмати хабар берди.

Фото: Президент матбуот хизмати

Бу ерда 5 қаватли 10 та арзон уй қурилган. Уларда барча шароит ва қулайликлар яратилган. «Навше» номли боғча болалар онгини ўстирадиган турли инвентарлар, ўйинчоқлар, методик қўлланмалар билан таъминланган. Инглиз тили, рус тили, шахмат-шашка тўгараклари ташкил этилган.

Фото: Президент матбуот хизмати
Фото: Президент матбуот хизмати

Оилавий поликлиника ҳудуддаги 8 та маҳалланинг 46 мингдан аҳолисига хизмат кўрсатади. 250 қатновга мўлжалланган муассаса сифатли тиббий хизмат кўрсатиш учун зарур ускуналар билан жиҳозланган.

Электрон қабул тизими йўлга қўйилган. Одамлар уйда туриб, онлайн тарзда навбатга ёзилиши ва белгиланган вақтда шифокор қабулига келиши мумкин. Поликлиниканинг ўзида ижтимоий дорихона очилган.

Фото: Президент матбуот хизмати

Президентимиз шифокорлар билан суҳбатда поликлиникага келганларга сифатли хизмат кўрсатиш билан бирга ҳудуддаги аҳолини патронаж қилиш, ҳар бир одамнинг ҳароратини билиш кераклигини таъкидлади. Касаллик варақаларини электрон шаклга ўтказиш, замонавий тиббиёт ютуқлари асосида ишлаш бўйича кўрсатмалар берди.

Шу ерда Абдамбетов кўчасида қурилаётган кўп қаватли арзон уйлар, бўлажак «Nukus city» шаҳарчаси тақдимоти ўтказилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг