Ўзбекистон Президентининг «Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида»ги қарорига мувофиқ, фуқаролар йиғинлари раислари, фаоллари, профилактика инспекторлари ва уларнинг ёрдамчилари, «Маҳалла посбони» ва «Фидокор ёшлар» жамоатчилик патрул гуруҳлари аъзоларини фуқароларнинг ҳуқуқбузарликлар профилактикаси ва жиноятчиликка қарши хизматлари учун тақдирлаш белгилаб берилганди.

Вилоят ИИБ матбуот хизматининг хабарига кўра, Сирдарё вилоятида олиб борилган профилактик ишлар натижасида 2019 йил 2 ой якуни бўйича вилоят худудида жиноятчиликни содир этилиши 30 фоизга камайишига эришилди.

Амалга оширилган меҳнатларнинг махсули сифатида, 2019 йил январь ва февраль ойлари якуни бўйича ижобий натижани қайд этган 126 нафар профилактика инспекторлари, 25 нафар маҳалла фуқаролар йиғинлари раислар ва 12 нафар маҳалла фуқаролар йиғини хотин-кизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассислари ҳамда 14 нафар маҳалла посбонлари, 11 нафар «Фидокор ёшлар» жамоатчилик патрул аъзоларини бир юз йигирма саккиз миллион беш юз минг сўм пул билан тақдирлаш маросими бўлиб ўтди. Тадбир Гулистон шахрининг «Билимдонлар майдони»да вилоят сектор рахбарлари иштирокида тантанали равишда ўтказилди.