Сўнгги кунларда катта шов-шув келтириб чиқарган, танасига 16 дона игна киритилгани тахмин қилинган чақалоқнинг жони узилди, деган хабар бир лаҳзада интернет орқали ҳаммаёқни айланиб чиқди. Кўпчилик кўзига ёш олди, гўдакнинг умри қисқа эканлигидан афсусланди.

Ҳамкасбларимизнинг аниқлашларича, аввал Фарғонада, кейин пойтахтда малакали шифокорларнинг зарур муолажалари, қатор операциялардан сўнг чақалоқнинг аҳволи оғирлигича қолаяпти, лекин у тирик ва жажжи юракчаси ҳаёт учун курашишда давом этмоқда. Бунча тиғлар билан шунча вақт яшаб келганининг, қатор операцияларга дош берганининг ўзи ҳам бир мўъжиза ва ишонамизки бу мўъжизанинг давоми бўлади. Ҳозирда кўпчиликни бир савол қийнамоқда: бунча игна боланинг танасига қандай қилиб кириб қолган? Уларнинг жойлашган жойига кўра, бола бунча игнани ютиши мумкин эмас. Демак кимдир мунтазам боланинг танасига игна тиқиб келган ва бу қабиҳ иши сирлигича қолишини режалаштирган. Бу бўйича тергов бошланганини ҳисобга олиб, тез орада бу саволларга ойдинлик киритилишига ва бундай разил кимса албатта жазоланишига умид қиламиз.

Биз сен биланмиз болажон! Курашишда давом эт!!!