Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тошкентдаги «бебош» «RANGE ROVER»лар жавобгарликка тортилди (видео)

Тошкентдаги «бебош» «RANGE ROVER»лар жавобгарликка тортилди (видео)

Фото: «GUVD.uz»

2018 йилнинг 25 февраль куни ижтимоий тармоқларда тўй кортежининг ҳайдовчилари Тошкент шаҳри кўчаларда ҳаракатланиб, йўл ҳаракати хавфсизлигига касддан таҳдид солганликлари акс эттирилган видеоролик пайдо бўлган эди.

Тошкент шаҳар ИИББ ЙҲХБ ходимлари томонидан ҳуқуқбузарлик содир этган ҳайдовчиларни аниқлашга қаратилган қидирув ишлари амалга оширилди. Натижада қуйидаги транспорт воситаларининг ҳайдовчилари ҳуқуқбузарлик содир этганликлари аниқланди: 4 та «RANGE ROVER», 1 та «Mercedes Benz» ва 1 та «Saturn sky» русумли автомашина ҳайдовчиларига нисбатан маъмурий ҳуқуқбузарлик тўғрисидаги баённомалар расмийлаштирилди.

Маълумот учун, Ўзбекистон Республикасининг МЖтКнинг 129-моддаси: «Транспорт воситалари ҳайдовчиларининг йўл ҳаракати хавфсизлигига таҳдид солувчи гуруҳ бўлиб ва мотоцикллар ва бошқа транспорт воситалари ҳайдовчиларининг йўлларда йўл ҳаракати хавфсизлигига таҳдид солувчи ёки авария ҳолатини келтириб чиқарувчи гуруҳ бўлиб ҳаракат қилишда қатнашиши энг кам иш ҳақининг уч баравари миқдорида жарима солишга сабаб бўлади (ҳозирги кунда 516 720 сўмни ташкил этади).

Худди шундай ҳуқуқбузарлик маъмурий жазо қўлланилганидан кейин бир йил давомида такрор содир этилган бўлса, энг кам иш ҳақининг беш баравари миқдорида жарима солишга (ҳозирги кунда 861 200 сўмни ташкил этади) ёки транспорт воситасини бошқариш ҳуқуқидан олти ойдан бир йилгача муддатга маҳрум этишга сабаб бўлади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг