Ўзбекистон ФИФА рейтингида яна 5 поғона юқорилади
ФИФА рейтингининг янгиланган рўйхати эълон қилинди.
Унга кўра Ўзбекистон терма жамоаси жадвалда кескин кўтарилди — ўтган ойга нисбатан 5 поғона юқорилаб, 72-ўриндан жой олди. Ёдингизда бўлса, терма жамоамиз ўтган ойда ҳам бир поғона кўтарилишга муваффақ бўлган эди.
Ўзбекистон термаси Осиё қитъасидаги ўрнини яхшилаб олди ва 7-поғонада қайд этилди. Қитъамизда ҳамон Эрон терма жамоаси пешқадамлик қилмоқда. Ундан кейинги ўринларни Австралия, Япония, Жанубий Корея терма жамоалари эгаллаган.
Рейтингнинг кучли ўнлиги яна ҳеч қандай ўзгаришсиз қолди — унда ҳамон Германия терма жамоаси карвонбошилик қилмоқда. Немислардан кейинги ўринни Бразилия банд этган бўлса, Европанинг амалдаги чемпиони Португалия кучли учликка якун ясаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter