Коронавирусдан сўнг ҳид билишни тиклаш учун нима қилиш керак — Абдулло Ходжаевдан маслаҳат
«MedSwiss» маркази врач-отоларингологи Абдулло Ходжаев коронавирус инфекциясини юқтиргандан сўнг йўқолган ҳид билишни қандай тиклаш кераклиги ҳақида ўз тавсияларини берди. Бу ҳақда РБК ёзмоқда.
Мутахассис айтишича, аввало бурун соҳасида жойлашган нерв толаларига ҳаво киришини таъминлаш керак.
«Вазоконстриктор дорилар, томчилардан фойдаланиш, бурун бўшлиғини мунтазам ювиш тавсия этилади, денгиз тузидан намакобни ўзингиз ҳам тайёрлашингиз мумкин. Хонадаги намликнинг меъёрда бўлишига ҳам эътибор беринг», — деди мутахассис.
Ходжаев нерв ҳужайралари тикланиши учун В гуруҳи витаминлари ва поливитаминларни қабул қилиш зарурлигини ҳам таъкидлади. Қолаверса, тўғри овқатланиш, кўп сув ичиш керак ва аксинча, никотин ва алкоголдан воз кечган маъқул.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter