Андроид қурилмалар учун Xabar.uz мобил иловаси. Юклаб олиш ×

Чуқур дарё овоз чиқармай оқар ёки тожик халқ мақоллари

Чуқур дарё овоз чиқармай оқар ёки тожик халқ мақоллари

Қарға булбул ноласини қайдан тушунсин?

Фото: «tajmigrant.com»

Эътиборингизга тожик мақолларидан саралаб олинган намуналарни ҳавола этамиз.

* * *

Қўлланилмаган билим — ёмғирсиз булут.

 * * *

Уйсиз — ҳар жойда бегона.

 * * *

Битта калтак билан ҳаммани ҳайдаб бўлмайди.

* * *

Ширин сўз ва эркалаш билан филни ҳам тукидан етаклаб кетишинг мумкин.

 * * *

Ташишга ҳеч ниманг бўлмаса, сенга эшак не керак.

 * * *

Дўмбира товуши узоқдан ҳам ёқимли.

 * * *

Олтин балчиқда ҳам ялтирайди.

 * * *

Қозон очиқ, мушукнинг виждони қайда қолди?

 * * *

Аҳмоқ билан дўстлашма.

 * * *

Боғинг гулламагани учун офтобни эмас, ўзингни койиб қўй.

 * * *

Қуёш барчага бир хил нур сочади.

 * * *

Аввал сўра, кейин ҳаракат қил.

 * * *

Қўрқоқ ит баланд ҳурар.

 * * *

Гуноҳдан сўнг тиз чўкишдан не фойда?

 * * *

Арпа эксанг — арпа, буғдой эксанг — буғдой оласан.

 * * *

Битта арқон қамчи эмас, битта дарахт ўрмон эмас.

 * * *

Кам гапирса — тушунарсиз, кўп гапирса — бош айланар.

 * * *

Душман қанча ақлли бўлса, шу қадар хавфли.

 * * *

Тутун борми, демак, нимадир ёнаётир.

* * *

Тоғлар зилзиладан емирилса, муҳаббат ва дўстлик сўз туфайли барбод бўлади.

* * *

Пул берсанг — камаяр, билим берсанг — кўпаяр.

 * * *

Сенинг ёлғонингни рост ҳисоблайдиган дўст ҳамма вақт ҳам яхши бўлавермайди.

Азиза ФАТҲУЛЛАЕВА

 (Ушбу мақоллар интернет тармоғидан олиниб,

рус тилидан ўзбекчага ўгирилган)

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг