12 минг нафар лондонликни ўлдирган «нўхат шўрва»
1952 йилнинг 5 декабрь куни Лондон шаҳри ўта қалин смог (тутун) исканжасида қолди. Ўша қиш Англияда одатдагидан қаттиқ келди, шаҳарликлар уйларини яхшироқ иситиш учун печларига кўпроқ кўмир қалай бошлашди. Совуқ ва шамолсиз антициклон мўрилардан чиққан тутунни шаҳар устида тўплаб, қалин смог ҳосил қилди. Қурум аралаш тутун сарғиш-қора тусда бўлгани учун «нўхат шўрва» деган ном олди.
Смог Лондонни тўрт кунгача тарк этмади. Унинг қалинлигидан машиналар ҳаракатлана олмас, тутун биноларнинг ичигача ёпирилиб киргани учун концертлар, кинофильмлар намойиши бекор қилинганди.
Кейинги ҳафталар ичида тўпланган статистика смог 4 минг кишининг ўлимига сабаб бўлганини кўрсатди. Аммо кейинроқ ўтказилган тадқиқотларда ҳалок бўлганлар сони анча кўпроқ — қарийб 12 минг киши экани аниқланди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter