Адлия вазирлиги «Xabar.uz» билан ҳамкорлик қилади
Адлия вазирлиги «Xabar.uz» ахборот-таҳлилий портали билан аҳолининг ҳуқуқий онги ва ҳуқуқий маданиятини юксалтириш, қонунчиликдаги янгиликлар билан аҳолини тезкор хабардор қилиш соҳасида ҳамкорлик меморандумини имзолади.
Меморандум доирасида қуйидаги ишлар амалга оширилади:
- аҳолининг, хусусан ёшларнинг ҳуқуқий онги ва ҳуқуқий маданиятини юксалтиришда манзилли тарғибот тадбирларини ўтказиш;
- қабул қилинаётган қонун ҳужжатларининг аҳамиятини аҳолига етказиш;
- ишлаб чиқилган ҳужжат лойиҳалари ва қабул қилинаётган қонун ҳужжатларини аҳолига халқчил ва содда тилда тушунтиришга қаратилган таҳлилий мақолалар тайёрлаш;
- аҳолини қонун ижодкорлиги фаолиятига кенг жалб этиш;
- ҳуқуқий соҳадаги ислоҳотларни кенг жамоатчиликка етказиш, ушбу йўналишни ёритувчи журналистлар фаоллигини оширишда янгича ёндашувлар жорий этишга қаратилган турли танловлар ва семинар-тренинглар ўтказиш каби қатор ишларни амалга ошириш назарда тутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter