Бугун Байден президент сифатида илк матбуот анжуманини ўтказади
АҚШ президенти Жо Байден ўз лавозимини эгаллаганидан бери илк матбуот анжуманини бугун, 25 март куни ўтказади. Бу ҳақда CNN телеканали хабар берди.
Демократ журналистлар билан инаугурациясидан 65 кун ўтиб учрашмоқда, одатда унгача ишлаган президентлар бу тадбирни дастлабки 40 кун ичида ўтказиб юборишган.
Коронавирус падемияси сабабли Оқ уйнинг Шарқий залига атиги 30 нафар журналист таклиф этилган. Байден улар асосан пандемия, муҳожирлар муаммолари, Афғонистондан қўшинни олиб чиқиш каби масалаларда саволлар беришини кутмоқда.
Президентнинг ўзи эса АҚШда вакцинациялаш бўйича янги мақсадларни ошкор қилмоқчи, дейилади телеканал хабарида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter