Доналд Трамп Шавкат Мирзиёевни Наврўз билан табриклади
АҚШ президенти Доналд Трамп Ўзбекистон президенти Шавкат Мирзиёевни Наврўз байрами билан табриклади.
«Наврўз Сиз ва Ўзбекистон халқига шодлик ва фаровонлик олиб келишини тилайман. Наврўз тинчлик ва янгиланиш рамзи бўлмиш ўзига хос байрамдир. Ушбу айём айниқса жорий йилда катта аҳамиятга эга, чунки мамлакатларимиз Афғонистонда тинчлик ва барқарорликни таъминлаш йўлида муваффақиятли ҳамкорлик қилмоқда.
Сиз амалга ошираётган кенг кўламли ислоҳотлар дастури рўёбга чиқаётганини кўриш менга мамнуният бағишлайди. Янада юксак равнақ сари шу йўлдан ҳаракат қилар экансиз, Қўшма Штатлар Сиз ва Ўзбекистон халқининг қатъий ва ўзгармас шериги бўлиб қолади»-, дейилади Трамп йўллаган табрикда.
Аввалроқ, президент Шавкат Мирзиёев Ўзбекистон халқини Наврўз билан табриклаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter