Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Етти ойда хорижга 3,5 миллиард долларлик олтин сотилди. Асосий харидор қайси давлат?

Етти ойда хорижга 3,5 миллиард долларлик олтин сотилди. Асосий харидор қайси давлат?

Фото: Xabar.uz

Ўзбекистон июль ойида аввалги беш ойдагидан кўпроқ олтин сотди. Бу ҳақда Давлат статистика қўмитаси томонидан хабар берилган.

Хабарда айтилишича, 2019 йилнинг январидан май ойигача хорижга 1 миллиард 200 миллион долларлик олтин сотилган эди. Июль ойида эса сотилган олтин миқдори 1 миллиард 400 миллион доллар бўлди.

Жами етти ой давомида Ўзбекистон хориж давлатларига 3 миллиард 400 миллион долларлик олтин сотган.

Таққослаш: 2018 йилнинг январидан июль ойигача хорижга 1,5 миллиард долларлик олтин экспорт қилинган эди.

Статистика қўмитаси сўнгги беш йилда экспортда олтин ҳажми 12,1 фоиздан 31,8 фоизга кўтарилганини қайд этган.

2019 йилнинг биринчи чорагида Ўзбекистон жаҳонда энг кўп олтин сотган давлат бўлди. Бу ҳақда World Gold Council (Олтин бўйича жаҳон кенгаши) ҳисоботида маълум қилинди.

«Жаҳон олтин бозорида жорий йилнинг биринчи чорагида 11 тонна 300 кило олтин сотилди. Бу анчадан бери кузатилмаган юқори сотиш даражасидир ва бунинг асосий сабабчиси учта мамлакатнинг (Ўзбекистон, Мўғулистон ва Тожикистон) марказий банкларидир», – дейилади ҳисоботда.

Ҳисоботда айтилишча, Ўзбекистон январь ойидан март ойигача 6 тонна 200 кило олтин сотган. Бу иккинчи ўринда келаётган Мўғулистондан деярли икки баробар (3,4 тонна) кўпроқ. Учинчи ўринни Тожикистон (1 тонна) эгаллади.

Апрель ойида Ўзбекистон марказий банки 2019 йилда хорижга 80 тонна олтин экспорт қилиш режалаштирилаётганини, бу ўтган йилга нисбатан 10 тонна кўп эканини маълум қилган эди.

Ўзбекистон МБ 2019 йилда олтин нархининг кўтарилишини ва бунинг натижасида давлат хазинасига 80 тонна олтиндан 3 миллиард 400 миллион доллар даромад тушишини билдирган.

Ўзбек олтинининг асосий харидори Швейцариядир. Геология ва минерал захиралар давлат агентлигининг маълум қилишича, 2017 йилда Ўзбекистонда 90 тонна олтин қазиб олинган эди. Бу кўрсаткични йилига 120 тоннага етказиш режалаштирилган. Расмий маълумотларга қараганда, Ўзбекистонда олтин захираси 6 минг тоннани ташкил этади.

Марказий банк 2019 йилнинг февраль ойида мамлакат олтин-валюта захираси 27,2 миллиард доллар эканини, унинг 14,57 миллиард долларини монетар олтин ташкил қилишини билдирган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг