«Google» Пентагон билан ҳамкорлик қилишдан воз кечди
«Google» АҚШ мудофаа вазирлиги — Пентагон билан биргаликда олиб бораётган ҳарбий сунъий ақл лойиҳасидан воч кечди. Бу ҳақда «Haber7» хабар бермоқда.
«Google» мутасаддиларидан бири Диана Грин 2019 йил охирида муддати тугайдиган 18 ойлик битимни янгиламасликка қарор қилинганини айтди.
«Maven» номли ҳарбий ақл лойиҳаси 8 миллион 6 минг АҚШ доллари қийматига эга. Лойиҳа дронлар орқали кишиларнинг шахсиятини аниқлаш имконини беради.
Аввалроқ «Google» ходимлари компанияни урушдан узоқ бўлишга чақирган эди. Шу йил февраль ойида лойиҳага қарши имзо йиғиш бошланган эди. Шу пайтгача 4 мингдан зиёд имзо тўпланди.
«Google» ходимларининг хатти-ҳаракатини «Electronic Frontier Foundation» фонди ҳам қўллаб-қувватлади.
АҚШ ҳарбийлари ва ташқи разведка хизмати анча йиллардан бери террорчиликда гумон қилинган кимсаларни дронлар орқали йўқ қилиб келмоқда. Бу жараёнларда турли давлатларнинг кўплаб бегуноҳ фуқаролари ҳам ўлдириб юборилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter